اسلام آباد میں پولیس افسران اور اہلکاروں کی منشیات فروشوں کی پشت پناہی کا انکشاف ہوا ہے۔
اے آر وائی نیوز کے مطابق منشیات فروشوں کی پشت پناہی اور مراسم پر 11 افسران و اہلکاروں کو نوکری سے برطرف کردیا گیا ہے۔
برطرف ہونے والوں میں سب انسپکٹر، اے ایس آئی، ہیڈ کانسٹیبل شامل ہیں، تھانہ گولڑہ کے اے ایس آئی طلعت محمود، اے ایس آئی محمد اجمل، ریدر ایس پی سواں بھی برطرف ہونے والوں میں شامل ہیں۔
یہ پڑھیں: لاہور : منشیات فروش پولیس افسر اور خاتون سمیت 3 ملزمان گرفتار
تھانہ کھنہ، ترنول، سنگجانی سیکریٹریٹ، تھانہ نون، بہارہ کہو کے اہلکار کو بھی برطرف کیا گیا ہے۔
اے ایس آئی ظہیر احمد، ہیڈ کانسٹیبل محمد اسحاق، کانسٹیبل وقاص ادریس کو بھی برطرف کردیا گیا، برطرف افسران کے خلاف کارروائی محکمانہ خفیہ رپورٹس کی بنیاد پر عمل میں لائی گئی۔
ڈی آئی جی اسلام آباد نے افسران و اہلکاروں کو بطرف کرکے رپورٹ آئی جی کو ارسال کردی۔