مقبوضہ کشمیر میں 26 سیاحوں کی ہلاکت کے واقعے کے بعد بھارتی میڈیا نے پاکستان کیخلاف زہر اُگلنا شروع کردیا۔
تفصیلات کے مطابق بھارتی میڈیا نے پہلگام حملے کے بعد جھوٹا پروپیگنڈا کرنا شروع کردیا، حملہ کے فورا بعد سوشل میڈیا پر "پاکستان کا ہاتھ” کا بیانیہ چلایا گیا۔
بھارتی چینلز نے حملے کو "پاکستانی دہشت گردی” کہہ کر بیچا ہے،بھارتی میڈیا نے واقعے کے بعد روائتی فارمولا اپنالیا اور کوئی بھی واقعہ ہو تو ثبوت کے بغیر فوراً پاکستان پر الزام لگا دیا۔
رپورٹ کے مطابق انتہا پسند بھارتی حکومت کی بنیاد عوام کو جنگ کیلئے اکسانے جیسے بیانیہ پر کھڑی ہے، بھارتی میڈیا خود ساختہ دہشت گردی کی خبر پر شور مچا دیتا ہے جبکہ Naxalite حملوں پر چپ سادھ لیتے ہیں کیونکہ حقیقت ان کے جھوٹ کو بے نقاب کرتی ہے۔
رپورٹ کے مطابق مودی میڈیا کا نیا نظریہ یہ ہے کہ بھارت میں ہونے والی "ہر دہشت گردی” پاکستان کرتا ہے۔
یہ ثابت ہو چکا ہے کہ بھارتی حکومت اور میڈیا بھارتی عوام کو بیوقوف بنانے میں مصروف ہیں، بھارتی میڈیا جھوٹ بیچتا ہے تاکہ عوام حقیقی مسائل سے دور رہیں۔
گزشتہ روز مقبوضہ جموں و کشمیر میں فائرنگ کے نتیجے میں 26 سیاح ہلاک جبکہ 8 زخمی ہوگئے، فائرنگ کا واقعہ بائی سرن وادی میں پیش آیا تھا۔
یہ بھی پڑھیں: مقبوضہ کشمیر میں فائرنگ سے 26 سیاح ہلاک، 8 زخمی، بھارتی میڈیا
مقبوضہ کشمیر کے وزیر اعلیٰ عمر عبداللہ کی جانب سے سیاحوں پر حملے کی مذمت کی گئی، سیاحوں پر حملہ اُس وقت کیا گیا جب امریکی نائب صدر بھی بھارت کا دورہ کر رہے ہیں۔