کراچی میں کورنگی پولیس نے 2 ایسے کم عمر سگے بھائیوں کو گرفتار کیا ہے، جن میں سے ایک نے موبائل فون چھیننے کی واردات کے دوران مزاحمت پر ایک شہری کو گولی مار کر قیمتی جان سے محروم کر دیا تھا۔
ڈسٹرکٹ کورنگی پولیس کے مطابق کم عمر سگے بھائی قتل، ڈکیتی، اسٹریٹ کرائم اور دیگر سنگین وارداتوں میں ملوث ہیں، ایس ایس پی کورنگی طارق نواز کا کہنا ہے کہ زمان ٹاون پولیس کے ہاتھوں گرفتار ملزمان نے وارداتوں کا اعتراف کر لیا۔
گرفتار ملزمان میں ایک کی عمر 14 سال اور دوسرے کی 17 سال ہے، جن سے مزید تفتیشن کا عمل جاری ہے۔