گورنر سندھ عیدالاضحیٰ پر 100 اونٹ، 100 بکرے اور 50 بیل قربان کریں گے

گورنر سندھ کامران ٹیسوری نے اس بار بھی عیدالاضحیٰ کے موقع پر گورنر ہاؤس کراچی میں غریبوں کے لیے بڑی قربانی کا انتظام کیا ہے۔

اے آر وائی نیوز کے مطابق گورنر سندھ کامران ٹیسوری کی جانب سے اس سال عیدالاضحیٰ پر 100 اونٹ، 100 بکرے اور 50 بیل اللہ کی راہ میں قربان کیے جائیں گے۔

جانوروں کی قربانی کے بعد مستحقین میں یہ گوشت راشن پیکٹ کے ساتھ تقسیم کیا جائے گا۔

عیدالاضحیٰ پر قربانی کے لیے خریدے جانے والے اونٹ گورنر ہاؤس پہنچا دیے گئے ہیں۔

واضح رہے کہ گورنر سندھ کامران ٹیسوری نے گزشتہ برس بھی اپنی جانب سے عیدالاضحیٰ پر 100 اونٹ، 100 بکرے اور 10 بیل قربان کیے تھے اور ان کا گوشت مستحقین میں تقسیم کیا تھا۔