بیٹے نے پسند کی شادی کی لیکن اس کا خمیازہ اس کے والد کو بھگتنا پڑا جس کے ساتھ لڑکی کے رشتہ داروں نے غیر انسانی سلوک کیا۔
ہمارے معاشرے میں پسند کی شادی کا رجحان بڑھ رہا ہے۔ تاہم اس کے ساتھ دو خاندانوں میں دشمنی کا آغاز اور عزت وناموس کے نام پر برسوں بعد بھی قتل اور بہیمانہ تشدد جیسے واقعات سامنے آتے رہتے ہیں۔
ایسا ہی ایک افسوسناک واقعہ پنجاب کے ضلع مظفر گڑھ کی تحصیل علی پور میں پیش آیا۔ جہاں بیٹے نے پسند کی شادی کی تو لڑکی کے رشتہ دار غیرت کے نام پر ایسے آپے سے باہر ہوئے کہ اس کے بزرگ والد خدا بخش کے ناک اور ہونٹ کاٹ دیے۔
تھانہ سیت پور کی حدود میں ہونے والے اس واقعہ میں ملزمان نے پہلے بزرگ شہری خدا بخژ اور اس کے اہلخانہ پر تشدد کیا اور اس کے بعد یہ غیر انسانی سلوک کیا۔
واقعہ کی اطلاع ملتے ہی پولیس پہنچ گئی اور اس نے خدا بخش کو تشویشناک حالت میں اسپتال منتقل کیا۔
بیٹے کی پسند کی شادی رکوانے کیلئے ماں نے انتہائی قدم اٹھا لیا!
اس حوالے سے پولیس کا کہنا ہے کہ زخمی شہری خدا بخش کے بیٹے نے چند ماہ قبل پسند کی شادی کی تھی اور لڑکی کے رشتہ داروں کو اس شادی کا رنج تھا۔