مومنہ اقبال کا اپنی جعلی ویڈیو پر شدید ردعمل

اداکارہ مومنہ اقبال نے اپنی جعلی ویڈیو پر شدید ردعمل دیا ہے۔

اداکارہ حال ہی میں ایک شو میں شرکت کی جس میں انہوں موضوعات پر کھل کر اظہار کیا اور اپنی جنس سے متعلق جعلی ویڈیو پر بھی گفتگو کی۔

مومنہ اقبال نے کہا کہ کسی لڑکی سے اس کے لڑکی ہونے کا ثبوت مانگنا ایک انتہائی دردناک لمحہ ہوتا ہے۔

اداکارہ نے کہا کہ یہ ویڈیو اگست 2022 میں دیے گئے انٹرویو کے ایک کلپ کو ایڈت کرکے جعلی انداز میں وائرل کی گئی تھی جسے 45 ملین سے زائد مرتبہ لوگوں نے دیکھا۔

ان کا کہنا ہے کہ اس وقت ان کے پاس رپورٹرز کے فون آرہے تھے اور وہ حیران تھیں کہ سب کو کیا جواب دیں۔

یہ پڑھیں: مومنہ اقبال نے پوسٹ پر منفی تبصرے کرنے والوں کو خبردار کردیا

مومنہ اقبال نے کہا کہ اردگرد کے لوگ انہیں مشورہ دے رہے تھے کہ وہ وضاحت جاری کریں لیکن انہوں نے سوچا کہ کیا ڈاکٹر کا نمبر دے دوں، یہ سب صورتحال بہت عجیب تھی۔

اداکارہ نے کہا کہ اگر میں واقعی ایسی ہوتی تو قبول کرلیتیں لیکن جب وہ ہیں ہی نہیں تو اس جھوٹ پر کیا ردعمل دیں؟ کسی لڑکی سے اس کے لڑکی ہونے کا ثبوت مانگتا ایک نہایت درد ناک لمحہ ہوتا ہے۔

ایک سوال کے جواب میں انہوں نے کہا کہ انہیں ڈراموں میں منفی کردار ادا کرنے میں زیادہ مزہ آتا ہے کیونکہ ایسا کردار کچھ بھی کہہ سکتا ہے اور کچھ بھی کر سکتا ہے، جو کہ نہایت دلچسپ اور چیلنجنگ ہوتا ہے۔

ان کا کہنا تھا کہ وہ منفی کرداروں کے اسکرپٹس شوق سے پڑھتی ہیں اور اسی وقت یہ بھی طے کر لیتی ہیں کہ جملوں کو کس انداز میں ادا کرنا ہے۔

واضح رہے کہ مومنہ اقبال نے اے آر وائی ڈیجیٹل کے ڈرامہ سیریل ’دستک‘ میں منفی کردار نبھایا ہے، ’دستک‘ کی آخری قسط جمعے کو نشر کی جائے گی۔