اقوام متحدہ کی جنرل اسمبلی میں پاکستانی تھرڈ سیکریٹری محمد فہیم نے بھارت کے الزامات اور مؤقف پر سخت ردعمل دیا ہے۔
اقوام متحدہ کی جنرل اسمبلی میں پاکستانی تھرڈ سیکریٹری محمد فہیم نے بھارت کو واضح کیا کہ پانی امن کا ذریعہ ہے، ہتھیار نہیں۔
پاکستانی سفارتکار محمد فہیم نے بھارتی آبی جارحیت بے نقاب کردی، انہوں نے اپنے جواب میں کہا انڈس واٹر ٹریٹی پر بیان مسخ شدہ حقائق پر مبنی ہے۔
پاکستانی سفارتکار کا کہنا تھا کہ بھارت مستقل ثالثی عدالت کے فیصلے کو بھی نظر انداز کر رہا ہے، ثالثی عدالت نے 27 جون 2024 کو معاہدے کو مؤثر وقانونی قرار دیا۔
انہوں نے مزید کہا کہ بھارت کو معاہدہ یکطرفہ معطل کرنے کا کوئی اختیار حاصل نہیں، پانی کو ہتھیار یا سیاسی ہتھکنڈے کے طور پر استعمال کرنا ناقابل قبول ہے۔