نارتھ کراچی میں گھر سے ملنے والی لاش ڈاکو کی نکلی

کراچی کے علاقے نارتھ کراچی میں گھر سے ملنے والی لاش ڈاکو کی نکلی ہے۔

پولیس کا دعویٰ ہے کہ نارتھ کراچی میں گھر سے ملنے والی نوجوان کی لاش ڈاکو کی ہے جس کی شناخت حمزہ کے نام سے ہوئی ہے۔

پولیس کا کہنا ہے کہ حمزہ نامی نوجوان کا کرمنل ریکارڈ سامنے آگیا ہے۔

تفتیشی حکام کے مطابق مقتول کا ایک بھائی عمیر بھی ڈکیتی کے الزام میں گرفتار ہے، حمزہ کی لاش جس دوست فیروز کے گھر سے ملی وہ بھی مبینہ ڈاکو ہے۔

پولیس کا کہنا ہے کہ فیروز نے حمزہ کے بھائی عمر کو فون کرکے حمزہ کی طبیعت خراب ہونے کا بتایا جب عمر وہاں پہنچا تو لاش پڑی تھی۔

پولیس کا کہنا ہے کہ ڈکیت فیروز اور اس کے اہلخانہ گھر سے فرار ہیں جن کی تلاش جاری ہے، حمزہ واردات کے دوران زخمی ہوا یا قتل کیا گیا تحقیقات جاری ہیں۔