بٹ کوائن تاریخ کی بلند ترین سطح پر، قیمت میں اضافے کی وجہ سامنے آگئی

ڈیجیٹل کرنسی بٹ کوائن پہلی بار تاریخ کی بلند ترین سطح 1 لاکھ 22 ہزار571 کی سطح پر پہنچ گیا۔

ڈیجیٹل کرنسی بٹ کوائن پہلی بار تاریخ کی بلند ترین سطح ایک لاکھ بائیس ہزار پانچ سو اکہتر کی سطح پر پہنچ گئی۔

غیرملکی میڈیا نے بتایا کہ بٹ کوائن کی قیمت بڑھنے کی بڑی وجہ امریکی ایوان میں ڈیجیٹل اثاثہ کی صنعت کا درجہ دینے پر ممکنہ بحث ہے۔

صدر ڈونلڈ ٹرمپ نے کہا ہے کہ ڈیجیٹل اثانوے کے حق میں قوانین کو بہتر بنائیں گے۔

امریکی ایوان نمائندگان ڈیجیٹل اثاثہ کی صنعت کو ملک کے ریگولیٹری فریم ورک کے ساتھ فراہم کرنے کے لیے بلوں کی ایک سیریز پر بحث کرے گا، جس کا اس نے طویل عرصے سے مطالبہ کیا جا رہا ہے۔

ان توقعات نے بٹ کوائن کو ایشیائی سیشن میں ایک لاکھ 21 ہزار 207.55 ڈالر کی نئی ریکارڈ سطح تک پہنچایا اور اس وقت بٹ کوائن 1.5 فیصد اضافے کے ساتھ ایک لاکھ 20 ہزار 856.34 ڈالر پر ٹریڈ کر رہا تھا۔

مزید پڑھیں : پاکستان میں کرپٹو کرنسی کا نیا نظام متعارف

سال 2025 میں بٹ کوائن کی قیمت میں اب تک 29 فیصد کا اضافہ ہو چکا ہے، جس کے اثرات دیگر کرپٹو کرنسیوں پر بھی دیکھے جا رہے ہیں۔

کرپٹو کی دوسری بڑی کرنسی ایتھریم بھی پیر کو 3,048.23 ڈالر کی 5 ماہ کی بلند ترین سطح پر پہنچ گئی اور اس وقت 3,036.24 ڈالر پر ٹریڈ ہو رہی تھی۔