سونے کی فی تولہ قیمت میں آج بھی بڑا اضافہ

کراچی (14 جولائی 2025) پاکستان میں سونے کی فی تولہ قیمت میں مزید اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق آج کاروباری روز کے دوران فی تولہ سونا 1600 روپے مہنگا ہوا، جس کے بعد فی تولہ سونا 3 لاکھ 59 ہزار 700 روپے کا ہوگیا۔

اسی طرح 10 گرام سونا 1371روپے اضافے سے 3 لاکھ 8 ہزار 384 روپے کا ہوگیا، عالمی مارکیٹ میں سونا 16 ڈالر اضافے سے 3372 ڈالر فی اونس کا ہوگیا۔

پاکستان میں آج ڈالر اور دیگر کرنسیوں کی قیمت

واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

بٹ کوائن تاریخ کی بلند ترین سطح پر، قیمت میں اضافے کی وجہ سامنے آگئی

پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔