چیئرمین پی ٹی آئی کی ہمشیرہ علیمہ خانم کو ریاست مخالف سوشل میڈیا سرگرمیوں کے الزام میں نیشنل سائبر کرائم انویسٹی گیشن ایجنسی لاہور زون کو نوٹس جاری کردیا۔
اے آر وائی نیوز کے مطابق عمران خان کی ہمشیرہ علیمہ خانم کو نیشنل سائبر کرائم انویسٹی گیشن ایجنسی لاہور زون نے کل صبح ساڑھے 11 بجے گلبرگ ٹو لاہور میں پیش ہونے کی ہدایت کی ہے۔
نوٹس میں کہا گیا ہے کہ طلبی کا مقصد علیمہ خانم سے ان کے دفاع میں بیان ریکارڈ کروانا ہے، ان پر سوشل میڈیا پر ریاست مخالف سرگرمیوں میں ملوث ہونے کا الزام ہے۔
نیشنل سائبر کرائم انویسٹی گیشن ایجنسی کا کہنا ہے کہ ملزمہ کی عدم پیشی پر تصور کیا جائے گا کہ ان کے پاس اپنے دفاع میں یش کرنے کے لیے کچھ نہیں اور عدم حاضری کی صورت میں قانونی کارروائی کو آگے بڑھایا جائے گا۔
نوٹس کے مطابق نیشنل سائبر کرائم انویسٹی گیشن ایجنسی وزارت داخلہ کے ماتحت ادارہ ہے، عدم پیشی پر علیمہ خانم کے خلاف دفعہ 174 کے تحت کارروائی کی جاسکتی ہے۔