سوات: فضاگٹ بائی پاس سیلاب میں ڈوبنے والے لڑکے کی لاش مل گئی، سیلاب میں بہنے والے عبداللہ کی لاش20 دن کے بعد ملی۔
اے آر وائی نیوز کے مطابق ریسکیوحکام نے بتایا کہ عبداللہ کی لاش دریائے سوات غالیگے کے مقام سے ملی، سیلابی ریلے میں بہنے والے عبداللہ کی لاش 20 دن بعد ملی، فضاگٹ سیلابی ریلے میں جاں بحق افراد کی تعداد 13 ہوگئی۔
سانحہ سوات کے بعد اہم اقدامات کا آغاز، ریسکیو 1122 کے سربراہ برطرف
پچھلے ماہ جون میں سوات میں پیش آنے والے افسوسناک اور کربناک سانحے میں ایک ہی فیملی کے کئی افراد جان کی بازی ہار گئے تھے۔
سانحہ سوات میں جاں بحق ہونے والوں میں سے 8 افراد کی میتیں ان کے شہر ڈسکہ پہنچائی گئی تھیں، میتیں پہنچنے پر ان کے گھروں میں کہرام مچ گیا تھا اور پورے شہر میں سوگ کا سماں تھا۔
متوفیان کے اہل خانہ شدت غم سے نڈھال اور بچ جانے والوں سے مل کر دھاڑیں مار کر رو پڑے تھے، 3میتیں ڈسکہ کلاں، 3محلہ لاریاں اور 2 محمد پورہ پہنچائی گئی تھیں، یاد رہے کہ سانحہ سوات میں 11 افراد بچے تھے۔
https://urdu.arynews.tv/peshawar-high-court-questions-failure-to-rescue-tourists-in-swat-tragedy/