ورلڈ چیمپئنز شپ آف لیجنڈز کے پہلے میچ میں پاکستان چیمپئنز نے انگلینڈ چیمپئنز کو 5 رنز سے شکست دے دی۔
پاکستان چیمپئنز نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 160 رنز بنائے، انگلش ٹیم ہدف کے تعاقب میں 3 وکٹوں کے نقصان پر 155 رنز بناسکی۔
فل مسٹرڈ اور ای این بیل کی نصف سنچریاں رائیگاں گئیں۔
انگلینڈ چیمپئنز کو آخری اوور میں 16 رنز درکار تھے لیکن سہیل خان نے شاندار بولنگ کرتے ہوئے 16 رنز کا کامیابی سے دفاع کیا۔
پاکستان کی جانب سے رومان رئیس، عامر یامین اور سہیل تنویر نے ایک، ایک وکٹ حاصل کی۔
اس سے قبل پاکستان چیمپئنز نے کپتان محمد حفیظ نے 34 گیندوں پر 54 رنز کی اننگز کی بدولت اسکور بورڈ پر 160 رنز کا ٹوٹل سجایا تھا۔عامر یامین 13 گیندوں پر 27 رنز بنا کر نمایاں رہے۔
انگلینڈ چیمپئنز کی جانب سے لیام پلنکٹ اور کرس ٹریملیٹ نے دو، دو کھلاڑیوں کو آؤٹ کیا۔