کراچی میں آج سے مون سون کا تیسرا اسپیل برسے گا

کراچی(19 جولائی 2025): شہر قائد میں آج سے مون سون کا تیسرا اسپیل برسے کیلئے تیار ہے جس کے نتیجے میں شہر کے مختلف علاقوں میں ہلکی بارش متوقع ہے۔

محکمہ موسمیات کے مطابق کراچی میں آج سے 20 جولائی کے دوران مون سون کا تیسرا اسپیل برسے گا، شہر میں آج سے میں گرج چمک اور تیز ہواؤں کے ساتھ درمیانے درجے کی بارش متوقع ہے۔

محکمہ موسمیات کا کہنا ہے کہ کراچی کا مطلع مطلع ابر آلود، نمی زائد ہونے سے موسم مرطوب ہے، شہر میں زیادہ سے زیادہ درجہ حرارت 35 ڈگری سینٹی گریڈ تک جا سکتا ہے۔

کراچی کی ہوا میں نمی کا تناسب 72 فیصد ہے جبکہ جنوب مغربی سمت سے اس وقت ہوائیں 11 کلو میٹر  فی گھنٹے کی رفتار سے چل رہی ہیں۔

تیز ہواؤں کے ساتھ شدید بارشوں کا ایک اور الرٹ جاری

دوسری جانب محکمہ موسمیات کا کہنا ہے پچھلے سال کی نسبت اس سال کا مون سون سیزن کافی مضبوط ہے، اب تک مون سون کے تین اسپیل ہوچکے ہیں اور ہر آنے والا اسپیل دوسرے سے ذیادہ توانا ہے۔

محکمہ موسمیات کے مطابق ویک اینڈ پر بارش برسانے والا ایک اور سسٹم ملک کے بالائی اور وسطی علاقوں میں داخل ہوگا۔

پی ڈی ایم اے پنجاب نے مون سون بارشوں کے چوتھے اسپیل کا الرٹ جاری کردیا ہے، 20 سے 25 جولائی کے دوران پنجاب کے بیشتر اضلاع میں تیز آندھی، گرد آلود ہواؤں اور بارش کی پیش گوئی کی گئی ہے۔