دنیا بھر میں مقبول ترین ایپلی کیشن واٹس ایپ میں ایک ایسے دلچسپ اور کارآمد فیچر کا اضافہ کیا جارہا ہے جو صارفین کی مشکلات کو آسان بنانے کے ساتھ ساتھ دیگر سہولیات بھی فراہم کرے گا۔
میٹا کی زیر ملکیت واٹس ایپ میں اب صارفین میسجز پر تھریڈ فارمیٹ میں ریپلائی کرسکیں گے، جیسا کہ فیس بک یا ایکس (ٹوئٹر) پر کمنٹس کے ریپلائیز میں دیکھا جاتا ہے۔
اس فیچر کا مقصد واٹس ایپ چیٹس کو زیادہ منظم اور سہل بنانا ہے۔ فی الحال ہر میسج پر کیا جانے والا ریپلائی الگ دکھائی دیتا ہے، جس سے پرانے ریپلائیز کو تلاش کرنا مشکل ہو جاتا ہے۔
نئے فیچر کے تحت، گروپ چیٹس میں تمام ریپلائیز اوریجنل میسج کے نیچے ایک تھریڈ کی شکل میں نظر آئیں گے، جس سے گفتگو کا سیاق و سباق واضح رہے گا۔
رپورٹ کے مطابق جب کوئی صارف کسی میسج پر ریپلائی کرے گا، تو اوریجنل میسج پر ایک چھوٹا آئیکون دکھائی دے گا، اس آئیکون پر کلک کرنے سے اس میسج سے متعلق تمام ریپلائیز ایک جگہ نظر آئیں گے۔
صارفین اسی تھریڈ میں نئے ریپلائیز بھی شامل کر سکیں گے جس سے کسی مخصوص موضوع پر گفتگو ایک جگہ محدود رہے گی۔