الیکشن کمیشن نے سینیٹ انتخابات کے مکمل نتائج جاری کردیے

پشاور: الیکشن کمیشن نے سینیٹ انتخابات کے مکمل نتائج جاری کردیے ہیں۔

الیکشن کمیشن کی جانب سے جاری کردہ مکمل نتائج کے مطابق مجموعی طور پر 143 ووٹ کاسٹ ہوئے، خواتین کی نشست پر پی ٹی آئی کی روبینہ ناز نے 89 ووٹ حاصل کیے، پیپلزپارٹی کی روبینہ خالد نے 52 ووٹ حاصل کیے۔

خواتین کی نشست پر عائشہ بانو اور ماہ وش علی خان کوئی ووٹ حاصل نہ کرسکیں۔

الیکشن کے مطابق جنرل نشست پر پی ٹی آئی کے مراد سعید 26، فیصل جاوید 22 ووٹ لے کر کامیاب قرار پائے، جنرل نشست پر مرزا آفریدی 21 اور نور الحق قادری 21 ووٹ لے کر کامیاب ہوئے۔

یہ پڑھیں: حکمران اتحاد کو سینیٹ میں دوتہائی اکثریت حاصل ہو گئی

جنرل نشست پر جے یو آئی کے عطا الحق درویش18، ن لیگ کے نیاز احمد 18 ووٹ لیکر کامیاب ہوئے، جنرل نشست پر پیپلزپارٹی کے طلحہٰ محمود 17 ووٹ لے کر کامیاب قرار پائے۔

جنرل نشست پر آصف رفیق، اظہرقاضی مشوانی، خرم ذیشان، دلاورخان ووٹ نہ لے سکے، شفقت ایاز، عرفان سلیم، فیض الرحمان، وقاص اوکرزئی ووٹ نہ لے سکے۔

الیکشن کمیشن کے مطابق ٹیکنوکریٹ نشست پر اعظم سواتی 89 اور جے یو آئی کے دلاور خان 54 ووٹ لے کر کامیاب قرار پائے، خالد مسعود، ارشاد حسین، نور الحق قادری، وقار احمد قاضی کوئی ووٹ حاصل نہ کرسکے۔