بروس ولس کی بیماری شدید، اب بولنے، پڑھنے، چلنے کے قابل بھی نہیں رہے

لیجنڈ اداکار بروس ولس کی ڈیمنشیا کی بیماری میں کمی آئی ہے مگر اس کے باوجود وہ اب بولنے، پڑھنے اور چلنے کے بھی قابل نہیں رہے۔

ہالی ووڈ کے معروف اداکار بروس ولس فرنٹوٹیمپورل ڈیمنشیا نامی بیماری میں کافی عرصے سے مبتلا ہیں اور اسی طرح زندگی بسر کررہے ہیں، پہلی بار 2022 میں انھیں اس حالت کا سامنا کرنا پڑا تھا اور ان میں افاسیا (aphasia) کی تشخیص ہوئی تھی۔

تشخیص کے بعد سے بروس ولس کی بیماری آہستہ آہستہ بڑھتی رہی، 2023 اور 2024 کی رپورٹس کے مطابق ہالی ووڈ اداکار بڑی حد تک بولنے سے قاصر ہوچکے ہیں اور اب پڑھنے کے قابل بھی نہیں رہے۔

حالیہ مہینوں میں ان کے خاندان کی طرف سے بروس ولس کی نقل و حرکت کے بارے میں کوئی خاص تفصیلات کی تصدیق نہیں کی گئی ہے۔

اپریل 2025 میں بروس ولس کے خاندان نے ایک اپ ڈیٹ شیئر کی تھی جس میں مداحوں کو بتایا گیا تھا کہ ان کی بیماری مسلسل بڑھ رہی ہے لیکن ان کی حالت مستحکم ہے۔

ہالی ووڈ اداکار کے مداحوں نے اس مشکل وقت کے دوران اداکار اور ان کے قریبی خاندان کے افراد کے لیے اپنی بھرپور حمایت کا اظہار کیا ہے۔

https://urdu.arynews.tv/bruce-willis-dont-know-how-much-time-left-family/