کراچی (23 جولائی 2025): آئرلینڈ کے خلاف تین ٹی 20 میچوں کی سیریز کے لیے پاکستان ویمنز کے 15 رکنی اسکواڈ کا اعلان کر دیا گیا ہے۔
اے آر وائی نیوز کے مطابق آئرلینڈ کے خلاف تین ٹی 20 میچوں پر مشتمل سیریز کے لیے پاکستان ویمنز ٹیم کا اعلان کر دیا گیا ہے۔ فاطمہ ثنا ٹیم کی قیادت کریں گی۔
ایمان فاطمہ کو پہلی بار اسکواڈ میں شامل کیا گیا ہے۔ انہوں نے 2023 کے ویمنز انڈر 19 ورلڈ کپ میں پاکستان کی نمائندگی کی تھی۔
آئرش ٹیم کے خلاف سیریز اگلے ماہ 6 سے 10 اگست تک ڈبلن میں کھیلی جائے گی۔ آئرلینڈ روانگی سے قبل 15 رکنی اسکواڈ کراچی میں پری سیریز کیمپ میں شرکت کرے گی۔
دورہ آئرلینڈ کے لیے 15 رکنی اسکواڈ کا انتخاب ویمنز نیشنل سلیکشن کمیٹی نے اسکلز کیمپ میں شریک 24 کھلاڑیوں میں سے کیا۔
پاکستان ویمنز ٹیم ان کھلاڑیوں پر مشتمل ہے۔
فاطمہ ثنا (کپتان)، عالیہ ریاض، ڈیانا بیگ، ایمان فاطمہ، گل فیروزہ، منیبہ عالی، نجیحہ علوی (وکٹ کیپر)، نشرہ سندھو، ناتالیہ پرویز، رمین شمیم، صدف شمس، سعدیہ اقبال، سدرہ امین، طوبیٰ حسن اور وحیدہ اختر۔
