وانی کپور نے اپنی اور فواد کی فلم عبیرگلال پر پابندی کے بعد خاموشی توڑ دی

بالی ووڈ اداکارہ وانی کپور نے اپنی اور پاکستانی سپراسٹار فواد خان کی فلم عبیرگلال پر پابندی کے بعد بالآخر خاموشی توڑ دی۔

سال کے شروع میں فلم ریڈ 2 کی کامیابی کے بعد وانی کپور اب منڈالا مرڈرز کے ساتھ اسٹریمنگ پلیٹ فارم پر نظر آئیں گی، اجے دیوگن کے بعد ان فواد خان کے ساتھ فلم عبیر گلال آنا تھا مگر اس پر پابندی لگ گئی اور اب کافی عرصے بعد وانی نے پھر فلموں کےلیے میڈیا انٹرایکشن کی ہے۔

وانی کپور عبیرگلال کے بارے میں کھل کر تو کچھ نہیں کہا مگر اعتراف کیا کہ وہ گھبراہٹ کا شکار ہیں، انھوں نے اسٹریمنگ پلیٹ فارم پر نئی فلم کے حوالے سے بھی گھبراہٹ کا اظہار کیا۔

یہ بھی پڑھیں: ہندو انتہا پسندوں کی فلم ’عبیر گلال‘ کی مخالفت پر امیشا پٹیل فواد خان کے دفاع میں آگئیں

بالی ووڈ اداکاری نے بتایا کہ فلموں میں، آپ کے پاس صرف دو سے تین گھنٹے ہوتے ہیں جہاں آپ کو تاثر چھوڑنا ہوتا ہے اور اسے قائم کرنا ہوتا ہے اور اس مختصر وقت میں ہر چیز کو درست طور پر کرنا ہوتا ہے۔

انھوں نے کہا کہ میں اس بات میں دلچسپ رکھتی ہوں کہ اپنے آپ کو ایک اداکار کے طور پر دریافت کرنے میں مدد ملے اور کام کی باریکیاں، پرتیں اور گہرائی جانے کی کوشش کی جائے۔

وانی کی نئی سیریز منڈالا مرڈرز میں وہ ایک جاسوس کا کردار ادا کر رہی ہیں یہ کردار روایتی طور پر ایک سخت اور میچور امیج سے جڑا ہوا ہے، خاص طور پر اسکرین پر خواتین کو اچھوتے اندازمیں پیش کیا گیا ہے۔

https://urdu.arynews.tv/fawad-khan-and-vaani-kapoor-abir-gulaal-removed-youtube/