اسلام آباد(24 جولائی 2025): حکومت کی آئی ایم ایف کی شرط پر تمباکو کے شعبے میں 300 ارب روپے کی ٹیکس چوری روکنے کی کوششیں عروج پر ہے۔
ذرائع کے مطابق تمباکو کے پتوں کے تھریشرز یونٹس جی ایل ٹی پر ٹیکس افسران کی مانیٹرنگ ٹیمیں مقرر کردیں گئی، یہ افسران ٹیکس چوری روکنے کے لیے ٹریکنگ کریں گے۔
ذرائع کا کہنا ہے کہ تمباکو کی تیاری کے یونٹس سے غیر قانونی سگریٹ سازی کے لیے تمباکو فراہم نہیں کیا جاسکے گا، فیڈرل بورڈ آف ریونیو نے جی ایل ٹیز کی مانیٹرنگ اور تمباکو کی ٹریکنگ کے لیے نوٹیفیکیشن جاری کردیا۔
جاری کردہ نوٹیفیکشن کے مطابق تمباکو تیار کرنے والی جی ایل ٹیز تمباکو کا ٹرک نکالنے سے دو پہلے آگاہ کرنے کی پابند ہوں گی، تمباکو سے بھرے ٹرک پر اب ایس ٹریک لگایا جائے گا۔
نوٹیفیکیشن میں کہا گیا ہے کہ تمباکو سے بھرا ٹرک اب صرف قانونی سگریٹ سازی میں استعمال ہوسکے گا، دوسری جانب ذرائع ایف بی آر کا کہنا ہے کہ غیر قانونی سگریٹ سازی سے 300 ارب روپے کا نقصان ہوتا ہے۔
ذرائع ایف بی آر کے مطابق غیر قانونی سگریٹ سازی فیکٹریوں تک تمباکو کی ترسیل مکمل طور پر روکی جائے گی، تمباکو سے بھرا ٹرک اگر غیر قانونی سگریٹ ساز فیکٹری میں گیا تو ایس ٹریکنگ سے پکڑا جائے گا، ایس ٹریکنگ کے ذریعے غیرقانونی سگریٹ سازی فیکٹری پر فوری چھاپے مارا جائے گا۔
https://urdu.arynews.tv/rawalpindi-attack-on-fbr-team-confiscating-non-custom-cigarettes/