اے آر وائی ڈیجیٹل کا ڈرامہ سیریل ’شیر‘ یوٹیوب پر چھا گیا ہر قسط ٹرینڈ بن گئی۔
ڈرامہ سیریل ’شیر‘ میں دانش تیمور اور سارہ خان کی اداکاری کو مداحوں کی جانب سے بھرپور پذیرائی مل رہی ہے جس کا ثبوت یوٹیوب پر ٹاپ ٹرینڈز میں شامل ہونا ہے۔
’شیر‘ میں دانش تیمور اور سارہ خان مرکزی کردار نبھا رہے ہیں۔
ڈرامے کی دیگر کاسٹ میں فیضان شیخ، ارجمند رحیم، سنیتا مارشل، نادیہ افگن، نبیل ظفر، منزہ عارف، عتیقہ اوڈھو، حسان نیازی، آمنہ ملک، نورین گلوانی ودیگر شامل ہیں۔
’شیر‘ کی ہدایت کاری کے فرائض احسن تالش نے انجام دیے ہیں جبکہ اس کی کہانی زنجابیل عاصم شاہ نے لکھی ہے۔
ڈرامے کی کہانی دو خاندانوں کی دشمنی کے گرد گھومتی ہے جس میں ایک خاندان شیر زمان اور دوسرا فجر شیخ کا ہے۔
شیر کے والد کی موت کے بعد انہیں سر پر چوٹ آنے پر اسپتال منتقل کیا جاتا ہے لیکن جائیداد کی وجہ سے ان کے اپنے ہی چاچا ڈاکٹروں کے ساتھ مل کر شیر کو پاگل کرنے کے در پے ہیں۔
ادھر دشمن خاندان کی فجر شیخ جو ڈاکٹر ہیں وہ شیر کو ٹھیک کرنے کی کوشش کرتی ہیں لیکن وہ اچانک ڈاکٹر اور شیر کے چاچا کو گفتگو کرتے ہوئے دیکھ کر سمجھ جاتی ہیں کہ کچھ نہ کچھ گڑ بڑ ہے جب وہ شیر کی ادویات اور انجکشن کا ٹیسٹ کرواتی ہیں تو ان پر یہ حقیقت آشکار ہوتی ہے کہ شیر کو جان بوجھ کر پاگل کیا جارہا ہے۔
ادھر فجر کے والد بھی کہتے ہیں کہ ہمارے دشمن کے بیٹے شیر کو اسپتال میں ہی مار دو تو ہم تمہیں معاف کردیں گے۔
20ویں قسط میں دکھایا گیا کہ فجر نے شیر کی والدہ تہمینہ بیگم کی مدد لے کر انہیں اسپتال سے فرار کروائیں گی۔
کیا فجر، شیر کو ٹھیک کرنے میں کامیاب ہوجائیں گی، یہ جاننے کے لیے ڈرامے کی 21ویں قسط بدھ کی رات 8 بجے دیکھیں۔
یاد رہے کہ 29 مئی 2025 کو ڈرامہ سیریل ’شیر‘ نے دھوم مچاتے ہوئے یوٹیوب پر ٹرینڈنگ میں دوسری پوزیشن حاصل کی تھی۔
یوٹیوب پر ٹرینڈنگ میں ’شیر‘ کی تینوں اقساط ٹاپ ٹرینڈز میں دوسرے، تیسرے اور چوتھے نمبر پر ٹرینڈ کر رہی تھیں۔
پہلی قسط کو 15 ملین، دوسری کو 12 ملین جبکہ تیسری کو 5.3 ملین سے زائد بار دیکھا جا چکا تھا۔
واضح رہے کہ یوٹیوب نے ٹرینڈنگ فیچر ختم کردیا ہے لیکن جب ٹرینڈنگ کا فیچر موجود تھا تو شیر کی تمام اقساط ٹرینڈ کررہی تھیں۔