ماہ صفر کے چاند سے متعلق اعلان ہوگیا

چیئرمین مرکزی رویت ہلال کمیٹی مولانا عبدالخبیر آزاد کا کہنا ہے کہ پاکستان میں ماہ صفر کا چاند نظر نہیں آیا۔

چیئرمین مرکزی رویت ہلال کمیٹی مولانا عبدالخبیر آزاد کا کہنا ہے کہ ملک میں صفر المظفر کا چاند نظر نہیں آیا لہٰذا یکم صفر 27 جولائی بروز اتوار کو ہوگا۔

گزشتہ روز سپارکو نے پیش گوئی کی تھی کہ صفر کا چاند کل شام نظر نہ آنے کا امکان ہے 25 جولائی کو چاند کی عمر صرف 19 گھنٹے ہو گی۔

ترجمان سپارکو کا کہنا تھا کہ مون سون کے باعث چاند کی رویت مزید مشکل ہو گی، ساحلی علاقوں میں غروب آفتاب و ماہ کا فرق 43 منٹ ہو گا۔

سپارکو ترجمان کا کہنا تھا ماہ صفر 27 جولائی 2025 سے شروع ہونے کا امکان ہے۔