لاہور(26 جولائی 2025): ایشین کرکٹ کونسل (اے سی سی) کے صدر محسن نقوی نے بالآخر ایشیا کپ 2025 کی تاریخ کا اعلان کردیا۔
ایشین کرکٹ کونسل کے صدر محسن نقوی نے سماجی رابطے کی سائٹ ایکس پر بتایا کہ 9 ستمبر سے 28 ستمبر تک متحدہ عرب امارات میں ہوگا اور تفصیلی شیڈول کا اعلان جلد ہو گا۔
انہوں نے یہ بھی کہا کہ مجھے اے سی سی ایشیا کپ کی تاریخوں کا اعلان کر کے خوشی ہو رہی ہے، ہم بہترین انداز میں ٹورنامنٹ کے انعقاد کے منتظر ہیں۔
بھارتی ٹیم کو ایشیا کپ کھیلنے کی اجازت مل گئی
واضح رہے کہ پاکستان اور بھارت ایک ہی گروپ میں شامل ہوں گے، لیگ میچ کے سپر فور مرحلے اور فائنل میں پہنچنے پر بھی پاک بھارت میچز ہوسکتے ہیں۔
ایشیا کپ میں 8 ٹیمیں شرکت کریں گی جس میں پاکستان میزبان بھارت، سری لنکا، بنگلہ دیش، افغانستان، یو اے ای ، ہانگ کانگ اور عمان کی ٹیمیں شامل ہیں۔
دوسری جانب دھمکیاں دینے والے بھارت کو ایک اور ہزیمت کا سامنا کرنا پڑا ہے، اور اب وہ ایشیا کپ بھی کھیلنے کو تیار ہوگیا ہے، بھارتی کرکٹ بورڈ کو پاکستان کے خلاف میچ کے لیے بھی گرین سگنل مل گیا ہے۔
بھارتی میڈیا نے دعوی کیا ہے کہ بھارتی کرکٹ بورڈ کو ایشیا کپ کھیلنے کے لیے حکومت سے اجازت مل گئی، پاکستان کے خلاف میچ کے لیے بھی گرین سگنل مل گیا۔