بابر اعظم سے شادی کرنے کا نہیں کہا، بطور کرکٹر پسند کرتی ہوں، دعا زہرہ

اداکارہ دعا زہرہ نے بابر اعظم کو پسند کرنے سے متعلق اپنے بیان کی وضاحت کردی۔

شوبز انڈسٹری کی ابھرتی ہوئی اداکارہ دعا زہرہ اے آر وائی پوڈ کاسٹ میں شرکت کی اور اپنے بابر اعظم سے متعلق بیان کی وضاحت کی۔

انہوں نے کہا کہ میں اس ٹاپک پر بات کرنے سے گھبرا رہی ہوں کیونکہ میں کچھ بولوں گی اور کچھ اور نکل جائے گا کیونکہ میں نے پہلے بھی بولا کچھ اور کچھ بنا دیا گیا تھا۔

دعا زہرہ نے کہا کہ میں بطور کرکٹر بابر اعظم کو پسند کرتی ہوں، میں ان سے شادی نہیں کررہی اور نہ ہی میں نے ایسا کچھ کہا تھا۔

اداکارہ نے کہا کہ میں بابر اعظم کی عزت کرتی ہوں اور ان کو بطور کرکٹر سپورٹ کرتی ہوں۔

انہوں نے کہا کہ میرا نام ایسے ہی ان کے ساتھ جوڑا گیا جس سے میری فیملی، ماما اور بابا کو اس کی وجہ سے بڑی پریشانی ہوئی۔

دعا زہرہ نے کہا کہ میں نے گھر والوں کو کلپ دکھائے کہ میں نے ایسا کچھ نہیں بولا ہے۔

یہ پڑھیں: دل ایک پر ہی آتا ہے، بابر اعظم پر کرش ہے، دعا زہرہ

واضح رہے کہ اس سے قبل اے آر وائی زندگی کے پروگرام میں اداکارہ دعا زہرہ کا کہنا تھا کہ دل ایک پر ہی آتا ہے اور بابر اعظم پر کرش ہے۔

ایک سوال کے جواب میں انہوں نے کہا تھا کہ مجھے کرکٹ بہت پسند ہے، دل ایک پر ہی آتا ہے اور مجھے بابر اعظم پر کرش ہے۔

دعا زہرہ نے بتایا تھا کہ بطور کرکٹر بابر اعظم بہت اچھے لگتے ہیں اور جب کوئی انہیں ٹرول کرتا ہے تو مجھے بالکل اچھا نہیں لگتا برائے کرم ان پر تنقید نہ کیا کریں۔