راولپنڈی میں شادی شدہ خاتون کا قتل، جرگے کی سربراہی کرنے والا عصمت اللہ گرفتار

راولپنڈی: جرگے کے حکم پر شادی شدہ خاتون کے قتل کیس میں اہم پیشرفت سامنے آئی ہے، عصمت الل نامی شخص کو گرفتار کرلیا گیا ہے۔

تفصیلات کے مطابق نئی نویلی دلہن کے قتل کیس میں جرگے کی سربراہی کرنے والے شخص عصمت اللہ کو پولیس نے گرفتار کرلیا ہے، پولیس نے بتایا کہ ن لیگ کے عصمت اللہ یو سی 8 پیرودھائی فوجی کالونی کے وائس چیئرمین ہیں۔

فوجی کالونی میں 19سالہ لڑکی کو جرگے کے فیصلے پر غیرت کے نام پر قتل کیا گیا تھا، سی پی او راولپنڈی نے تحقیقات کے لیے 10 رکنی ٹیم تشکیل دے دی ہے۔

آر پی او راولپنڈی ریجن نے وقعے کا نوٹس لیا، انھوں نے ملزمان کی گرفتاری اور فوری تحقیقات کا حکم دیا، ٹیم کی سربراہی ایس پی راول ڈویژن راجہ حسیب کریں گے۔

راولپنڈی : غیرت کے نام پر قتل کی گئی نوبیاہتا دلہن کی قبر کشائی کے انتظامات مکمل

ٹیم میں ڈی ایس پی سٹی اطہر شاہ، انسپکٹر ثنااللہ، علی عباس اور ناصر عباس شامل ہیں، ٹیم میں راولپنڈی پولیس کی آئی ٹی کے ماہرین کو بھی شامل کیا گیا ہے۔

تحقیقاتی ٹیم نے تفتیش کا آغاز کردیا ہے، جس کے تحت سی سی ٹی وی فوٹیج، فنگر پرنٹ، موبائل ڈیٹا لوکیشنزکی چھان بین جاری ہے۔

https://urdu.arynews.tv/rawalpindi-newlywed-bride-death-on-jirga-decision/