منسا ملک مجھے جان سے مارنے کی دھمکیاں دے رہی ہیں: علیزے شاہ کا دعویٰ

(28 جولائی 2025): پاکستان شوبز انڈسٹری کی معروف ادکارہ علیزے شاہ نے دعویٰ کیا کہ منسا ملک انہیں دھمکیاں دے رہی ہیں۔

علیزے شاہ حال ہی میں ساتھ اداکارہ منسا ملک کے ساتھ آن لائن فائٹ کے بارے میں حیران کن انکشافات کی وجہ سے توجہ کا مرکز بنی ہوئی ہیں تاہم اب انہوں نے دعویٰ کیا ہے کہ منسا انہیں جان سے مارنے کی دھمکیاں دے رہی ہیں۔

اداکارہ نے انسٹاگرام پر اسٹوری میں لکھا کہ منسا ملک مجھے انجان نمبروں سے کال کر رہی ہے اور جان سے مارنے کی دھمکیاں دے رہی ہے، اگر مجھے کچھ ہوا تو جان لو یہ اسی کا کام ہوگا۔

اداکارہ نے اپنی انسٹاگرام پوسٹ میں لکھا 3 سال پہلے بھی اسی عورت نے مجھے بدنام کرنے کی کوشش کی تھی، میں نے آج تک جو کمایا وہ عزت اور حلال طریقے سے کمایا، مگر جو حرام کھاتے ہیں، انہیں نہ خدا کا خوف ہوتا ہے نہ انجام کا۔

علیزے نے ان میسجز کے اسکرین شاٹس بھی سوشل میڈیا پر شیئر کیں ہیں، ساتھ ہی ایک اور اسٹوری میں علیزے شاہ نے کہا کہ میں منسا ملک کو اس وقت تک معاف نہیں کروں گی جب تک وہ اپنی غلطی تسلیم نہیں کرتی، میری آپ سب فالوورز سے اپیل کی کہ آپ سب منسا ملک کو سب تک ٹرول کریں جب تک وہ معافی نہیں مانگ لیتی۔