چیئرمین پی ٹی آئی بیرسٹرگوہر کے بیان پر الیکشن کمیشن کا ردعمل

چیئرمین پی ٹی آئی بیرسٹرگوہر کے بیان پر الیکشن کمیشن کا ردعمل آگیا۔

الیکشن کمیشن کا کہنا ہے کہ اعجازچوہدری، احمدچٹھہ اور احمدخان بھچر کو اےٹی سی سے سزا ہوئی اور انسداددہشت گردی عدالت کا فیصلہ تاحال برقرار ہے اعجاز چوہدری و دیگر کی سزا کا فیصلہ ختم نہیں کیا گیا۔

الیکشن کمیشن نے کہا کہ عبدالطیف چترالی کا کیس دیگر سے مختلف ہے چترالی کے شریک ملزمان نے اسلام آباد ہائیکورٹ سے رجوع کیا تھا اور ہائیکورٹ نے شریک ملزمان کی سزاختم کر کے رہائی کا حکم دیا۔

بیان میں واضح کیا گیا ہے کہ عبدالطیف چترالی اس اپیل میں شامل نہیں ہوئے انہیں نوٹس جاری کیا گیا ہے، عبدالطیف چترالی وضاحت دیں کہ ہائیکورٹ کا فیصلہ ان پر لاگو ہوتا ہے یا نہیں۔

الیکشن کمیشن نے سینیٹر اعجاز چوہدری، اپوزیشن لیڈر پنجاب اسمبلی ملک احمد بھچر اور احمد چٹھہ کی نااہلی کا نوٹیفکیشن جاری کر دیا۔

نوٹیفکیشن کے مطابق 9 مئی کیس میں اےٹی سی نے تینوں ارکان کو سزا سنائی تھی۔

چیئرمین پی ٹی آئی بیرسٹر گوہر کا کہنا ہے کہ 9 مئی مقدمات میں 39 ارکان پارلیمنٹ کی نااہلی کا خطرہ ہے۔

چیئرمین پی ٹی آئی بیرسٹر گوہر نے کہا کہ 9 مئی مقدمات میں پنجاب اسمبلی کے 25 ارکان، 11 ایم این اے اور تین سینیٹرز کی نااہلی کا خطرہ ہے۔

انہوں نے کہا کہ خیبرپختونخوا اسمبلی میں بھی پی ٹی آئی کے تمام ارکان پر مقدمات ہیں، مجھ سمیت کوئی ایسا پارلیمنٹیرین نہیں جس پر کوئی مقدمہ نہ ہو۔