اداکار وجے سیتھوپتی نے کاسٹنگ کاؤچ کے الزامات پر بالآخر خاموشی توڑ دی۔
بھارتی میڈیا رپورٹ کے مطابق اداکار اور فلم پروڈیوسر وجے سیتھوپتی جو تامل فلموں میں شاندار اداکاری کے لیے مشہور ہیں، انہوں نے بالی ووڈ میں جوان، مہاراجہ، فرزی، میری کرسمس میں اداکاری کے جوہر دکھائے ہیں۔
تاہم ایکس صارف رمیا موہن کی جانب سے ان پر جنسی استحصال کے سنگین الزامات عائد کیے گئے ہیں۔
انہوں نے لکھا کہ ’کالی ووڈ کا ڈرگ اور کاسٹنگ کاؤچ کلچر کوئی مذاق نہیں، ایک لڑکی جسے میں جانتا ہوں اب میڈیا کا ایک جانا پہچانا چہرہ ایک ایسی دنیا میں گھسیٹا گیا جس کے لیے اس نے کبھی سائن اپ نہیں کیا تھا، وہ اب بحالی مرکز میں ہے، ہیرا پھیری اور لین دین کا استحصال انڈسٹری میں معمول ہے۔
Allegations against Vijay Sethupati
byu/10UJ inBollyBlindsNGossip
پوسٹ میں اداکار کو ٹیگ کیا اور لکھا کہ یہ کہانی نہیں ہے، میڈیا ان لوگوں کی پوجا کرتا ہے، ان کا ڈرگ ایس ایکس گٹھ جوڑ حقیقی ہے کوئی مذاق نہیں۔
نیشنل ایوارڈ یافتہ اداکار نے اپنے خلاف لگائے گئے الزامات کی تردید کردی ہے۔
اداکار نے لکھا کہ جو بھی مجھے دور سے جانتا ہے وہ اس پر ہنسے گا، میں خود کو بھی جانتا ہوں، اس قسم کے الزامات مجھے پریشان نہیں کرسکتے۔
وجے سیتھوپتی نے لکھا کہ میرے خاندان اور قریبی دوست پریشان ہیں لیکن میں ان سے کہتا ہوں کہ عورت یہ کام کررہی ہے اس کے پاس اپنی چند منٹ کی شہرت ہے اسے لطف اندوز ہونے دو۔
اداکار نے کہا کہ ہم نے سائبر کرائم میں شکایت کی ہے، میں نے سات سالوں سے ہر قسم کی سرگوشی کی مہموں کا سامنا کیا ہے، اس طرح کی ٹارگٹنگ نے مجھے اب تک متاثر نہیں کیا ایسا کبھی نہیں ہوگا۔