کراچی: امریکی قونصل خانے نے پاکستان میں تعینات سفارتی عملے، شہریوں کو احتیاط کی ہدایت کردی۔
ترجمان امریکی قونصل خانے کا کہنا ہے کہ شہری پاکستان میں رش والے مقامات پر جانے اور غیر ضروری سفر کرنے سے گریز کریں۔
امریکی قونصل خانے کا کہنا ہے کہ عملہ، شہری، ہوٹلوں، شاپنگ مال، ریسٹورنٹ جانے سے گریز کریں، سفارتی عملہ، شہری نقل و حرکت محدود رکھیں۔
یہ پڑھیں: جرمنی کے ویزوں سے متعلق پاکستانیوں کے لیے اہم خبر آگئی
واضح رہے کہ گزشتہ دنوں پاکستان میں جرمنی قونصل خانے نے غیر معینہ مدت کے لیے ویزے کا اجرا بند کردیا تھا۔
ترجمان کا کہنا تھا کہ جرمنی کے قونصل خانے میں بعض ناگزیر وجوہات کی بنا پر آئندہ احکامات تک ویزا سروس معطل رہے گی۔
جرمن قونصل خانے کا کہنا تھا کہ یورپی سٹیزن کے لیے سروس بحال رہے گی۔