محکمہ موسمیات نے آئندہ ہفتے تیز ہواؤں اور گرج چمک کے ساتھ مزید بارشوں کی پیشگوئی کردی۔
محکمہ موسمیات کے مطابق 4 سے 7 اگست پنجاب، کے پی، کشمیر، جی بی اور اسلام آباد میں بارش متوقع ہے، سندھ اور بلوچستان میں 6 اگست کو شدید بارشوں کا امکان ہے۔
اسلام آباد، راولپنڈی سمیت دیگر علاقوں میں 5 سے 7 اگست تک طغیانی کا خدشہ ہے۔
محکمہ موسمیات کا کہنا ہے کہ راولپنڈی، سیالکوٹ، گوجرانوالہ میں اربن فلڈنگ کا خطرہ ہے، تمام متعلقہ ادارے الرٹ رہیں، احتیاطی تدابیر اختیار کریں۔
شہری دوران سفر محتاط رہیں، موسمی صورت حال سے باخبر رہیں۔
محکمہ موسمیات کے مطابق ملک کے بیشتر علاقوں میں موسم گرم اور شدید حبس برقرار رہنے کا امکان ہے تاہم شمال مشرقی پنجاب، کشمیر،بالائی خیبر پختونخوا اور گلگت بلتستان میں تیز ہواؤں اور گرج چمک کے ساتھ چند مقامات پر بارش ہونے کی توقع ہے۔
گذشتہ 24 گھنٹوں کے دوران بالائی خیبر پختو نخوا، پنجاب ، کشمیر اورشمال مشرقی بلو چستان میں تیزہواؤں اور گرج چمک کے ساتھ چند مقامات پر بارش ہوئی۔
ملک کے دیگر علاقوں میں موسم گرم اور شدید حبس رہا۔ سب سے زیادہ بارش (خیبرپختونخوا) دیر میں 32 ملی میٹر، بہاولنگر (پنجاب) 28، نارووال 06، اٹک ، ساہیوال 01، کشمیر: مظفرآباد( ایئرپورٹ ،سٹی 02)، بار کھان (بلوچستان) میں 01 ملی میٹر بارش ہوئی۔