اداکار علی رضا نے اداکارہ انمول بلوچ سے شادی کی خبروں پر خاموشی توڑ دی۔
اے آر وائی ڈیجیٹل کے ڈرامہ سیریل ’دستک‘ میں مرکزی کردار نبھانے والے اداکار علی رضا نے حالیہ انٹرویو میں اپنے اور انمول بلوچ سے متعلق وضاحت پیش کردی۔
انہوں نے کہا کہ میں اور انمول بلوچ اچھے دوست ہیں اور اس طرح کا کوئی منصوبہ نہیں ہے۔
علی رضا نے مداحوں پر بھی زور دیا کہ وہ ساتھی اداکاروں کے ساتھ شادی کے بارے میں ڈی ایم بھیجنے سے گریز کریں یہ شرمناک ہیں۔
اس سے قبل انسٹاگرام اسٹوری میں انمول بلوچ نے واضح کیا تھا کہ ابھی ان کی شادی نہیں ہوئی ہے۔ اداکارہ نے لکھا تھا کہ ’میری ابھی شادی نہیں ہوئی اور جب وقت آئے گا تو میں خود اس خبر کو اپنے مداحوں اور انڈسٹری کے لوگوں کے ساتھ شیئر کروں گی، پیار کیلئے بہت شکریہ‘۔
انمول بلوچ کے اس بیان کی بعد ان کی شادی سے متعلق تمام افواہیں دم توڑ گئی ہیں۔ رپورٹس میں بتایا جارہا تھا کہ انمول بلوچ جلد ہی ایک معروف سیاستدان کے بیٹے سے رشتہ ازدواج میں منسلک ہونے والی ہیں۔