واشنگٹن (07 اگست 2025): بھارت پر 50 فی صد ٹیرف عائد کرنے کے 8 گھنٹے بعد امریکی صدر ڈونلڈ ٹرمپ نے ایک اور بڑی دھمکی دے دی ہے۔
تفصیلات کے مطابق امریکی صدر ڈونلڈ ٹرمپ نے اوول آفس میں میڈیا سے گفتگو میں کہا کہ بھارت پر پچاس فیصد ٹیرف لگایا ہے، اضافی ٹیرف لگائے ابھی آٹھ گھنٹے ہوئے ہیں، بھارت پر مزید پابندیاں لگائی جائیں گی۔
ٹرمپ نے کہا کہ ٹیرف کے ذریعے امریکا میں اربوں ڈالر آئیں گے۔ واضح رہے کہ ٹرمپ نے اپنے بڑے تجارتی پارٹنر بھارت پر پہلے 25 فی صد ٹیکس عائد کیا، اور پھر گزشتہ روز اضافی 25 فی صد اضافی ٹیرف لاگو کر دیا، ٹرمپ نے ایگزیکٹو آرڈر میں وجہ بتائی کہ انھیں مجھے معلوم ہوا تھا کہ حکومت ہند فی الحال براہ راست یا بالواسطہ طور پر روسی فیڈریشن کا تیل درآمد کر رہی ہے۔
ٹرمپ نے بھارت پر مزید 25 فیصد ٹیرف عائد کردیا
سی این بی سی کو ایک انٹرویو میں منگل کو ٹرمپ نے کہا تھا کہ وہ اگلے 24 گھنٹوں کے دوران ہندوستان پر بہت زیادہ ٹیرف بڑھائیں گے، کیوں کہ وہ روسی تیل خرید رہے ہیں، اور جنگی مشین کو ایندھن دے رہے ہیں۔
دریں اثنا، ٹرمپ نے ایلچی اسٹیو وٹکوف کے دورہ روس کے حوالے سے کہا روسی صدر پیوٹن کے ساتھ بہت اچھی بات چیت ہوئی ہے، آج کی ملاقات کو بڑا بریک تھرو نہیں کہوں گا، یوکرین میں اب بھی اموات ہو رہی ہیں۔