نئی دہلی (7 اگست 2025): امریکا کی جانب سے مزید ٹیرف عائد کرنے ہر راہول گاندھی نے وزیر اعظم نریندر مودی کی پُراسرار خاموشی پر شدید برہمی کا اظہار کر دیا۔
انڈین میڈیا کے مطابق امریکی صدر ڈونلڈ ٹرمپ نے گزشتہ روز روس سے تیل کی خریداری جاری رکھنے پر بھارت پر مزید 25 ٹیرف عائد کرنے کا اعلان کیا، انڈیا پر مجموعی امریکی ٹیرف 50 فیصد ہوگیا ہے۔
یہ بھی پڑھیں: ٹرمپ کی بھارت پر مزید ٹیرف لگانے کی دھمکی پر روس کا ردعمل آگیا
اپوزیشن جماعت کانگریس کے رہنما راہول گاندھی نے وزیر اعظم نریندر مودی کی خاموشی پر سخت تنقید کی۔
Trump’s 50% tariff is economic blackmail – an attempt to bully India into an unfair trade deal.
PM Modi better not let his weakness override the interests of the Indian people.
— Rahul Gandhi (@RahulGandhi) August 6, 2025
راہول گاندھی نے سوشل میڈیا پلیٹ فارم ایکس پر جاری بیان میں لکھا کہ ڈونلڈ ٹرمپ کا 50 فیصد ٹیرف عائد کرنا معایشی بلیک میلنگ ہے، یہ ایک غیر منصفانہ تجارتی معاہدے میں بھارت کو دباؤ میں لانے کی کوشش ہے۔
انہوں نے کہا کہ بہتر ہے وزیر اعظم نریندر مودی اپنی کمزوری کو بھارتی عوام کے مفادات پر غالب نہ آنے دیں۔