ناروے کی حکومت نے اسرایلی سرمایہ کاری پر نظرثانی کا اعلان کر دیا۔
غیرملکی خبرایجنسی کے مطابق ناروے کا فنڈز سے متعلق خودمختار ادارہ اسرائیلی سرمایہ کاری پر نظرثانی کرے گا۔
ناروے کے وزیراعظم نے اسرائیلی کمپنی میں سرمایہ کاری پر تشویش کا اظہار کرتے ہوئے کہا ہے کہ نارویجن کمپنیوں کی اسرائیلی کمپنی میں سرمایہ کاری پر جوابدہی ہو گی۔
ناروے کے وزیر خزانہ نے سارے سرمایہ کاری پورٹ فولیو کے جائزے کا حکم دیدیا ہے۔ ناروے کی دو کمپنیاں پہلے ہی 2 اسرائیلی کمپنیوں سے سرمایہ نکال چکی ہیں۔
حکومت نے کہا ہے کہ اس امر کو یقینی بنایا جائے گا کہ مقبوضہ مغربی کنارے اور غزہ میں فلسطینیوں کے خلاف اسرائیلی ریاست کی مدد کرنے والی کمپنیوں کو ’ساورین ویلتھ فنڈ‘ سے فائدہ اٹھانے والی فہرست سے الگ کر دیا گیا ہے۔