امریکا نے یورپی یونین کے ڈیجیٹل سروسز ایکٹ کیخلاف خفیہ محاذ کھول لیا ہے، امریکی محکمہ خارجہ نے سفیروں کو یورپی قانون کیخلاف مہم کی ہدایت کردی ہے۔
رائٹرز کے مطابق امریکاکی جانب سے ڈیجیٹل سروسز ایکٹ کو اظہار رائے کی آزادی کیلئے خطرہ قرار دیا گیا ہے، یورپی یونین کے قانون کو امریکی کمپنیوں پر مالی بوجھ قرار دیدیا۔
امریکی وزیرخارجہ مارکوروبیو نے دعویٰ کیا ہے کہ ڈی ایس اے امریکی روایات کے منافی ہے، یورپی یونین کا قانون فیس بک، گوگل، ایمازون اور ایپل سمیت 19 بڑے پلیٹ فارمز پر لاگو ہے۔
قانون کی خلاف ورزی پر کمپنیوں پر 6 فیصد عالمی آمدن کا جرمانہ لگ سکتا ہے، امریکی سفارتکاروں کو یورپی حکام سے ملاقاتیں کرکے قانون ختم یا تبدیل کرانے کی ہدایت کی گئی ہے۔
امریکی نائب صدر کے مطابق ڈی ایس اے بالغوں کو متبادل آرا تک رسائی سے روک رہا ہے۔
دوسری جانب امریکی صدر ڈونلڈ ٹرمپ نے مشرق وسطیٰ کے تمام ممالک سے مطالبہ کیا ہے کہ وہ اسرائیل کو تسلیم کر کے سفارتی تعلقات قائم کریں۔
چین نے برازیل پر 50 فیصد امریکی ٹیرف کو ناقابل برداشت قرار دیدیا
امریکی صدر ڈونلڈ ٹرمپ نے مشرق وسطیٰ کے تمام ممالک سے اسرائیل کو تسلیم کرنے کا مطالبہ کیا ہے اور تمام عرب ممالک پر ابراہیمی معاہدوں میں شامل ہونے پر زور دیتے ہوئے انہیں اسرائیل سے سفارتی تعلقات قائم کرنے کا بھی مطالبہ کیا ہے۔
امریکا کے نائب صدر نے کہا کہ ایران کا ایٹمی ہتھیاروں کا نیٹ ورک مکمل طور پر تباہ کر دیا گیا ہے اور اس کا جوہری پروگرام تباہ ہونے کے بعد امن کے نئے مواقع پیدا ہوئے ہیں۔