ماں نے قینچی کے وار سے بیٹے کو قتل کردیا

سیالکوٹ(10 اگست 2025): ایمن آباد میں گھریلو ناچاکی پر ماں نے بیٹےکو قتل کر دیا۔

تفصیلات کے مطابق سیالکوٹ کے تھانہ نیکا پورہ کے علاقے ایمن آباد میں گھریلو ناچاکی پر ماں نے بیٹےکو تلخ کلامی پر موت کے گھاٹ اتار دیا، لاز اسپتال منتقل کردی گئی۔

پولیس کا کہنا ہے کہ تلخ کلامی پر ماں نے قینچی کے وار سے بیٹے عبدالعزیز کو قتل کیا، بیٹے کی لاش اسپتال منتقل کردی گئی ہے، قتل میں ملوث ماں اور دوسرے بیٹے کو حراست میں لے لیا گیا جبکہ مزید تفتیش جاری ہے۔

اس سے قبل پنجاب کے ضلع پاکپتن میں معمولی تلخ کلامی پر 8 سالہ بچے نے ماں کو قینچی کا وار کر کے قتل کردیا تھا، محلّہ گلزار آباد میں پیسے نہ ملنے پر 8 سالہ بچے اپنی ماں کو موت کے گھاٹ اتار دیا تھا۔

35 سالہ صفیہ موقع پر ہی دم توڑ گئی تھی، ماں سلائی کڑھائی کر کے گھر چلاتی تھی، لاش کو پوسٹ مارٹم کے لیے ڈسٹرکٹ اسپتال مُنتقل کیا گیا تھا، پولیس کا اس حوالے سے کہنا تھا کہ 8 سالہ بچے کو حراست میں لے لیا گیا جبکہ اس واقعے کی مزید تفتیش جاری ہے۔

https://urdu.arynews.tv/sahiwal-mother-suicid-with-2-children-13-07-2025/