لاہور (13 اگست 2025): پنجاب کے مرکزی شہر لاہور میں جرائم کو کنٹرول کرنے کے لیے کرائم کنٹرول ڈیپارٹمنٹ (سی سی ڈی) نے کاروائیاں تیز کر دی ہیں۔
تفصیلات کے مطابق ایس پی لاہور آفتاب پھلروان نے اے آر وائی نیوز سے بات کرتے ہوئے دعویٰ کیا ہے کہ کرائم میں سی سی ڈی کے قیام کے بعد 60 فی صد کمی آ گئی ہے۔
ایس پی کے مطابق صوبہ پنجاب میں سی سی ڈی نے گینگ ریپ، ڈکیتی، چوری اور راہزنی سمیت دیگر جرائم میں ملوث ملزمان کے خلاف سخت کارروائیاں کی ہیں، اور لاہور میں گینگ ریپ میں ملوث سارے ملزمان سی سی ڈی مقابلے میں مار دیے گئے۔
خاتون بینک ملازم کو کریڈٹ کارڈ بنوانے کے لیے دھوکے سے بلا کر زیادتی
انھوں نے بتایا کہ معمر خاتون کے کانوں سے بالیاں اتارنے والے ملزمان بھی اپنے انجام کو پہنچے، ایس پی آفتاب پھلروان کا کہنا تھا کہ جرائم پیشہ افراد کے لیے کوئی معافی نہیں ہے، شہریوں کی جان و مال کی حفاظت کرنا ہمارا اوّلین فریضہ ہے۔
شوہر کے سامنے بیوی سے گینگ ریپ کا چوتھا ملز بھی انجام کو پہنچ گیا
معمر خاتون کے کانوں سے بالیاں نوچنے والا لیٹرا سی سی ڈی کے ہاتھوں مارا گیا
یاد رہے کہ دو دن قبل آئی جی پنجاب ڈاکٹر عثمان انور نے لاہور سمیت صوبہ بھر میں جرائم کی شرح میں نمایاں کمی پر سی سی ڈی کے افسران کو تعریفی اسناد سے نوازا تھا اور ان کی محنت کو سراہا۔ ایڈیشنل آئی جی سہیل ظفر چٹھہ، ڈی آئی جی عمر سلامت، ڈی آئی جی وقاص الحسن، ایس ایس پی تنویر تونیو، آر او گوجرانوالہ منصور امان، ایس ایس پی آفتاب پھلروان سمیت دیگر افسران کو بہترین کارکردگی پر خصوصی شاباش دی گئی۔