ممبئی (13 اگست 2025): آنجہانی اداکارہ و ماڈل شیفالی جری والا کے شوہر پیراگ تیاگی کا شادی کی 11ویں سالگرہ پر پیغام وائرل ہوگیا۔
انڈین میڈیا کے مطابق شفیالی جری والا کے شوہر پیراگ تیاگی (جو خود بھی اداکار ہیں) اب تک اہلیہ کی موت کے صدمے سے دوار ہیں۔ حال ہی میں انہوں نے اپنی شادی کی سالگرہ پر ایک خصوصی پوسٹ شیئر کی ہے۔
یہ بھی پڑھیں: شیفالی جریوالا کا مرنے سے قبل دیا گیا انٹرویو وائرل
پیراگ تیاگی نے ایک ویڈیو شیئر کی اور شادی کی 11ویں سالگرہ پر شیفالی جری والا کے بارے میں اپنے خیالات کا اظہار کیا۔
واضح رہے کہ جوڑے کی پہلی ملاقات 12 اگست 2010 کو ہوئی تھی اور انہوں نے 2014 میں اسی تاریخ کو شادی کی تھی۔
اداکار نے اہلیہ کیلیے پیغام میں لکھا کہ میری محبت! جب میں نے آپ کو 15 سال پہلے پہلی بار دیکھا تھا تو اس وقت میں جانتا تھا کہ آپ واحد ہیں اور 11 سال پہلے آپ نے مجھ سے اسی تاریخ پر شادی کرنے کا انتخاب کیا تھا جس دن ہم ملے تھے۔
’میری زندگی میں آنے کیلیے آپ کا شکریہ ادا نہیں کر سکتا۔ آپ نے مجھے غیر مشروط طور پر بے پناہ محبت دی جس کا میں شاید مستحق بھی نہیں تھا۔‘
’آپ نے میری زندگی کو بہت خوبصورت اور رنگین بنا دیا، آپ نے مجھے مستی میں زندگی گزارنے کا طریقہ سکھایا اور اب جینا اور ہماری تمام مستی والی شاندار یادوں کو یاد رکھنا۔‘
واضح رہے کہ شیفالی جری والا بھارتی اداکارہ و ماڈل تھیں جنہیں مشہور زمانہ گانے ’کانٹا لگا‘ سے شہرت ملی۔ ان کی حال ہی میں دل کا دورہ پڑے سے موت ہوئی۔