اسلام آباد : یوم آزادی اور معرکہ حق کی مناسبت سے خصوصی گرینڈ تقریب آج اسلام آباد میں منعقد ہوگی، جس میں صدر مملکت، وزیر اعظم اور تینوں مسلح افواج کے سربراہان شرکت کریں گے۔
تفصیلات کے مطابق یوم آزادی اور "معرکہ حق” میں تاریخی فتح کی مناسبت سے تقریبات کا شاندار آغاز ہوگیا ، اسلام آباد میں مرکزی تقریب آج رات 8 بجے جناح اسپورٹس اسٹیڈیم اسلام آباد میں منعقد ہوگی۔
جس میں صدر مملکت، وزیر اعظم اور تینوں مسلح افواج کے سربراہان شرکت کریں گے، تقریب میں قومی و غیر ملکی شخصیات کی بڑی تعداد میں شرکت متوقع ہے۔
اس موقع پر خصوصی ملی و ثقافتی پروگرام پیش کیے جائیں گے، تینوں مسلح افواج کی شاندار پریڈ اور فضائی مظاہرہ بھی تقریب کا حصہ ہوگا۔
تقریب میں معرکہ حق میں جیت کی خوشی میں وزیر اعظم معرکہ حق مونومنٹ کی رونمائی بھی کریں گے۔
آزادی کی تقریبات میں دوست ممالک ترکیہ اور آذربائیجان کے فوجی دستے خصوصی طور پر شریک ہوں گے جبکہ آرمی اسکول آف میوزک کی خصوصی بینڈ پرفارمنس بھی پیش کی جائے گی۔
یوم آزادی اور “معرکہ حق” کی اس تقریب میں عوام کا جوش و خروش عروج پر ہے۔