اسلام آباد(14 اگست 2025): کامیاب سفارکاری پر پاکستان پیپلز پارٹی کے چیئرمین بلاول بھٹو زرداری کو نشانِ پاکستان دینے کا فیصلہ کیا گیا ہے۔
تفصیلات کے مطابق بھارت کے خلاف انتہائی مؤثرانداز سے پاکستان کا موقف دنیا کے سامنے رکھنے پر چیئرمین پیپلز پارٹی بلاول بھٹو کو نشان امتیاز پاکستان کا ایوارڈ دیا جائے گا۔
صدر مملکت آصف زرداری بلاول بھٹو کو نشان امتیاز پاکستان کے ایوارڈ سے نوازیں گے، وزیراعلیٰ سندھ سید مراد علی شاہ تقریب کے لئے اسلام آباد میں موجود ہیں۔
واضح رہے کہ چیئرمین پیپلزپارٹی بلاول بھٹو نے دنیا بھر میں کٹھن ترین اوقات میں سے ایک میں بھارت کے خلاف انتہائی مؤثرانداز سے پاکستان کا مقدمہ پیش کرتے ہوئے پاکستان کا مثبت چہرہ اور پیغام پہنچایا تھا۔
چیئرمین پیپلز پارٹی بلاول بھٹو زرداری 28 مئی کو غیر ملکی دورے پر روانہ ہوئے تھے۔ بلاول بھٹو نے پارلیمانی وفد کے ہمراہ امریکا اور یورپ میں اہم ملاقاتیں کیں۔