کراچی میں ٹرک کی ٹکر سے 8 سالہ بچی جاں بحق

کراچی کے علاقے بھینس کالونی میں ٹرک کی ٹکر سے 8 سال کی بچی جاں بحق ہوگئی۔

اے آر وائی نیوز کے مطابق پولیس کا بتانا ہے کہ 8 سالہ ادیبہ سڑک پارک کرتے ہوئے ٹرک کی زد میں آگئی، حادثے کے بعد ڈرائیور فرار ہوگیا۔

پولیس حکام کا کہنا ہے کہ کلینر کو گرفتار کرکے ٹرک تحویل میں لے لیا گیا ہے۔

واضح رہے کہ اب سے کچھ دیر قبل بنارس میں ٹریلر کی ٹکر سے موٹرسائیکل سوار خاتون جاں بحق ہوگئی، پولیس نے ڈرائیور کو حراست میں لے لیا ہے، پولیس نے بتایا کہ حادثے میں جاں بحق ہونے والی خاتون کنواری کالونی منگھوپیر کی رہائشی تھی۔

یہ پڑھیں: کراچی میں ٹریلر نے موٹرسائیکل سوار خاتون کو کچل دیا

پولیس نے واقعے سے متعلق بتایا کہ ٹریلر ڈرائیور نے سائیڈ دی تو موٹر سائیکل سوار خاتون اپنا توازن برقرارنہ رکھ سکی۔

خاتون موٹرسائیکل سے گری اور ٹریلر کی زد میں آگئی، پولیس نے ٹریلر کو تحویل میں لے کر انکوائری شروع کردی۔