تل ابیب (17 اگست 2025): اسرائیل میں غزہ میں فلسطینی مزاحمتی تنظیم حماس کے ہاتھوں یرغمال اسرائیلی شہریوں کے اہل خانہ نے ملک گیر ہڑتال شروع کر دی۔
قطری نشریاتی ادارے الجزیرہ کی رپورٹ کے مطابق آج یرغمالیوں کے اہل خانہ و قریبی رشتے دار ملک گیر ہڑتال پر چلے گئے، ان کا مطالبہ ہے کہ وزیر اعظم نیتن یاہو غزہ جنگ بندی معاہدہ کرے۔
מפגינים הבעירו צמיגים בכביש 1, החסום לתנועה כבר יותר מחצי שעה@VeredPelman
(צילום: זכריה מנצור Zachary Manzur) https://t.co/YS9lQWfJ5x pic.twitter.com/lmHg214P9i— כאן חדשות (@kann_news) August 17, 2025
حماس کے ہاتھوں یرغمال اسرائیلی شہری اٹزک ہورن کے والد ایٹن ہورن نے گزشتہ روز اسرائیلیوں سے ملک گیر ہڑتال میں شامل ہونے کی اپیل کی تھی۔
یہ بھی پڑھیں: غزہ میں 24 گھنٹے میں بچے سمیت 11 افراد بھوک کی وجہ سے شہید
ایٹن ہورن کا کہنا تھا کہ کل اسرائیل میں معمولات زندگی رُک جائے گی اور میں سب کو ملک گیر ہڑتال میں شامل ہونے کی دعوت دیتا ہوں۔
یرغمالی شہری کے والد نے کہا کہ یہ احتجاج کا دن ہے یہ نہ صرف یرغمالیوں کے خاندانوں کے ساتھ اظہار یکجہتی کا دن ہے بلکہ اسرائیلی ریاست کے اخلاقی کردار کو برقرار رکھنے کیلیے مظاہرہ بھی ہے۔
واضح رہے کہ غزہ میں حماس کے ہاتھوں اب بھی 50 اسرائیلی شہری یرغمال ہیں جن میں سے 20 کے زندہ ہونے کا خیال کیا جاتا ہے۔