اسلام آباد (18 اگست 2025): وفاقی دارالحکومت میں اپنی لاپتا بھابھی کی بازیابی کے لیے درخواست دینے والی نند کو عدالت نے 50 ہزار جرمانہ کر دیا۔
تفصیلات کے مطابق اسلام آباد ہائیکورٹ میں بھابھی کے لاپتا ہونے پر اس کی نند ایمن جویریہ کی طرف سے دائر کی گئی درخواست 50 ہزار روپے جرمانے کے ساتھ خارج کر دی گئی۔
جب اسلام آباد پولیس نے مبینہ طور پر لاپتا خاتون عزہ بی بی کو عدالت میں پیش کیا تو جسٹس اعظم خان نے درخواست گزار خاتون پر حقائق چھپانے کی وجہ سے جرمانہ عائد کر دیا۔
سپریم کورٹ کے گزشتہ دس ماہ میں جاری کردہ سرکلرز اور احکامات پبلک کر دیے گئے
وفاقی پولیس کی جانب سے ڈی ایس پی لیگل ساجد چیمہ نے رپورٹ عدالت میں پیش کی، جس میں کہا گیا تھا کہ مبینہ لاپتہ خاتون کے شوہر نے لاہور ہائیکورٹ میں درخواست دائر کر رکھی ہے، تاہم اسلام آباد ہائیکورٹ میں دائر کی گئی درخواست میں یہ بات عدالت سے چھپائی گئی۔
خاتون عزہ بی بی نے عدالت میں بیان دیا ’’میں اپنے ماموں کے گھر چنیوٹ گئی ہوئی تھی۔‘‘