پاکستان کی ملائیکہ نور نے ایشین اوپن جوڈو چیمپئن شپ میں چاندی کا تمغہ جیت لیا۔
پاکستان کی ملائیکہ نور اردن میں ہونے والی ایشین اوپن جوڈو چیمپئن شپ کی مائنس 52 کلو گرام کیٹیگری کے فائنل میں سعودی عرب کی پلیئر کو ہرا نہ کر سکیں۔
ملائیکہ نور کو فائنل میں سعودی جوڈو کاز سے شکست ہوئی اور وہ سلور میڈل جیتنے میں کامیاب ہوئیں۔ واضح رہے کہ پاکستان کی ملائیکہ نور نے3 ممالک کی کھلاڑیوں کو شکست دے کر فائنل میں جگہ بنائی تھی۔
ہاکی کھلاڑی نے والد کے انتقال کے باوجود پاکستان کی خاطر میچ کھیلا اور تمغہ جتوایا:
ایشین ہاکی چیمپئنز ٹرافی میں پاکستان ٹیم کے کھلاڑی غضنفر علی نے والد کی وفات کے باوجود ملک کی خاطر میچ کھیل کر پاکستان کو تمغہ جتوایا۔
چین میں کھیلی گئی ایشین ہاکی چیمپئنز ٹرافی میں پاکستان نے کوریا کو ہرا کر تیسری پوزیشن حاصل کی اور کانسی کا تمغہ حاصل کیا جو گرین شرٹس نے اس ٹورنامنٹ میں 8 سال بعد جیتا۔
اس جیت میں جہاں پوری ٹیم کی کارکردگی نمایاں رہی وہیں ایک کھلاڑی غضنفر علی کا جذبہ بھی قابل ستائش رہا۔
غضنفر علی جن کے والد کا تین دن قبل پاکستان میں انتقال ہوا تاہم کھلاڑی نے وطن واپسی کے بجائے پاکستان کی خاطر میچ کھیلنے کا فیصلہ کیا۔ گزشتہ روز جنوبی کوریا کو دو کے مقابلے میں پانچ گول سے شکست دے کر تیسری پوزیشن حاصل کی۔
سابق پاکستانی ویمن کرکٹر ثانیہ خان کی ویرات کوہلی کے ساتھ تصویر وائرل
اس میچ میں محمد سفیان اور حنان شاہد نے دو، دو گول کیے۔ تمام کھلاڑیوں نے میڈل اور جیت کو غضنفر علی کے نام کر دیا ہے۔
واضح رہے کہ غضنفر علی کے والد محمد افضل کو اتوار کو گاؤں ڈینگ شاہ قصور میں سپرد خاک کیا گیا تھا۔