بیوی کا گوشت کھانے کا فتوی نہیں دیا، سعودی مفتی اعظم

سعودی عرب کے مفتی اعظم شیخ عبدالعزیز الشیخ نے ان سے منسوب کیے جانے والے’’شدید بھوک کے عالم میں بیوی کا گوشت کھانے‘‘ کے فتوے کی تردید کردی ہے۔

سعودی عرب کی سرکاری خبر رساں ایجنسی کی جانب سے جاری کردہ بیان کے مطابق مفتیِ اعظم کا کہنا ہے کہ ’’ان سے منسوب فتویٰ جھوٹ پر مبنی اور اسلام دشمن عناصر کی ذہنی اختراع ہے جس کا مقصد ان کو بدنام کرنا اورامت کو ملی معاملات سے ہٹا کرفضول کے موضوعات می مشغول کرنا ہے‘‘۔

ان کا کہنا تھا کہ ’’ان سے منسوب کیا جانے والا فتویٰ قطعی غلط اور جھوٹ پر مبنی ہے۔۔ اس کا مقصد اسلام کی اصل روح کو مجروح کرنا ہے جس نے مرد اورعورت کو بلا امتیاز باوقار مقام عطا کیا ہے۔

سعودی مفتی نے امت کو خبردار کیا کہ وہ اپنے مشترکہ دشمن سے ہوشیار رہیں اور دشمن کی اس قسم کی مذموم کاوشوں کو ناکام بناتے ہوئے اپنا اور اپنے ممالک کا دفاع جاری رکھیں۔