وزیراعظم شہباز شریف نے کراچی میں ہونے والی شدید بارش کے بعد چیئرمین ایم کیو ایم پاکستان خالد مقبول کو ٹیلی فون کیا ہے۔
تفصیلات کے مطابق شہرقائد میں صرف ایک روز کی بارش نے پورے شہر کا بُرا حال کردیا ہے جگہ جگہ سڑکیں ٹوٹ پھوٹ کا شکار ہوچکی ہیں، شہریوں کو آمد و رفت میں مشکلات کا سامنا ہے، کئی علاقوں میں بارش کا پانی گھروں میں داخل ہوا، شہریوں کو گزشتہ رات گھر واپس پہنچنے میں شدید پریشانی کا سامنا کرنا پڑا۔
گزشتہ دنوں شدید بارش کے بعد وزیراعظم شہباز شریف نے چیئرمین ایم کیو کو ٹیلی فون کیا ہے جس میں خالدمقبول صدیقی اور وزیر اعظم کے درمیان کراچی میں بارش اور اربن فلڈنگ پر گفتگو ہوئی۔
چیئرمین ایم کیو ایم خالد مقبول صدیقی نے وزیراعظم شہباز شریف سے کراچی میں وفاقی اداروں کو مکمل فعال کرنے کی اپیل کی ہے۔
خالد مقبول نے کہا کہ بارش کے بعد کی صورتحال پر کراچی میں ہنگامی بنیادوں پر امدادی کام کیے جائیں، وزیراعظم نے چیئرمین این ڈی ایم اے کو کراچی میں مکمل فعال رہنے کی ہدایت کردی ہے۔
دریں اثنا ایڈیشنل آئی جی جاوید عالم اوڈھو نے کراچی کی صورتحال پر گفتگور کرتے ہوئے کہا کہ بارش کے دوران شہریوں کو بہت تکلیف ہوئی، 11ہزار کے قریب نفری لوگوں کی مدد کرتی رہی، کافی گاڑیاں کو حادثات پیش آئے۔
انھوں نے کہا کہ بارش کے دوران کافی گاڑیاں کو حادثات پیش آئے، سڑکیں کھدی ہوئی تھیں جس کی وجہ سے گاڑیوں کو نقصان ہوا، کافی حد تک بارش کا پانی کم ہوگیا ہے۔
جاوید عالم نے کہا کہ کورنگی میں صرف ایک علاقے میں 259 ملی میٹر بارش ہوئی، سوئی گیس کے کام کی وجہ سے مشکلات زیادہ ہوئیں۔
https://urdu.arynews.tv/karachi-rain-death-toll-reaches-15/