بالی ووڈ اداکار آیوشمان کھرانا اور رشمیکا مندانا کی ہارر فلم تھاما کو ٹیزر ریلیز پر ہی ٹوئی لائٹ کا چربہ قرار دیا جارہا ہے۔
فلم میکرز کی جانب سے آج تھاما کا ٹیزر ریلیز کیا گیا ہے جس میں آیوشمان کھرانا اور رشمیکا مندانا مرکزی کردار نبھا رہے ہیں، فلم میں ملائکہ اروڑا کا آئٹم سانگ بھی شامل کیا گیا ہے۔
سوشل میڈیا پر صارفین کی جانب سے ٹیزر پر ملا جلا ردعمل دیا جارہا ہے۔
ایک صارف نے لکھا کہ رشمیکا مندانا کی ہارر ڈیبیو فلم نے ہلچل مچا دی ہے تو دوسرے صارف نے لکھا کہ یہ ہالی ووڈ فلم "ٹوئی لائٹ” کی کاپی ہے۔
کچھ لوگوں نے فلم کا موازنہ اکشے کمار کی فلم بھوت بنگلا سے کیا اور لکھا کہ تھاما کے پوسٹر میں بھوت بنگلا کے علاوہ کچھ نہیں ملا۔
آدتیہ سرپوتدار کی فلم کی ہدایت کاری کے فرائض انجام دیے ہیں جبکہ نیرین بھٹ، ارون فلارا اور سریش میتھیو نے اسکرین پلے لکھا ہے۔
فلم میں پریش راول بھی اہم کردار میں نظر آئیں گے اور فلم رواں سال دیوالی پر سنیما گھروں کی زینت بنے گی، کیا "تھاما” باکس آفس پر استری کا ریکارڈ توڑے گی یہ تو ریلیز کے بعد ہی پتا چل سکے گا۔