چینی وزیرخارجہ وانگ ژی پاکستان کے 3 روزہ دورے پر اسلام آباد پہنچ گئے، نائب وزیراعظم اسحاق ڈار نے معززمہمان کا استقبال کیا۔
پاکستان آمد پر نائب وزیراعظم و وزیرخارجہ اسحاق ڈار نے نورخان ایئربیس پر معزز مہمان کو خوش آمدید کہا، وزارت خارجہ اور پاکستان میں چینی سفارتخانے کے اعلیٰ حکام بھی موجود تھے، روایتی لباس میں ملبوس بچوں نے معزز مہمان کا خیر مقدم کیا اور پھول پیش کئے۔
دورے کے دوران چھٹا پاک چین وزرائےخارجہ اسٹریٹجک ڈائیلاگ اسلام آباد میں ہوگا، چینی وزیرخارجہ وانگ ژی نائب وزیراعظم اسحاق ڈارکی دعوت پر پاکستان آئے ہیں۔
چینی وزیرخارجہ پاک چین اسٹریٹجک ڈائیلاگ کے چھٹے دور میں چین کی نمائندگی کرینگے، پاک چین اسٹریٹجک ڈائیلاگ کی مشترکہ صدارت وانگ ژی اوراسحاق ڈار کریں گے۔
https://urdu.arynews.tv/chinese-foreign-minister-arrives-delhi-india-visit/