کراچی کے مختلف علاقوں میں ایک بار پھر موسلا دھار بارش شروع ہوگئی۔
اے آر وائی نیوز کے مطابق ایئرپورٹ، ملیر، گلشن حدید میں گرج چمک کے ساتھ بارش ہوئی ہے جبکہ نارتھ کراچی، سرجانی ٹاؤن اور اطراف میں بھی بارش جاری ہے۔
صدر، اولڈ سٹی ایریا، سول اسپتال، ناظم آباد، سائٹ ایریا، منگھوپیر روڈ اور اطراف میں بھی بارش ریکارڈ کی گئی۔
سماجی رابطے کی ویب سائٹ ایکس پر میئر کراچی مرتضیٰ وہاب نے لکھا کہ شہر میں ایک بار پھر موسلا دھار بارش شروع ہے، شہریوں سے گھروں پر رہنے کی درخواست ہے۔
یہ پڑھیں: کراچی میں موسلاھار بارش کا سلسلہ کب تک جاری رہے گا؟ محکمہ موسمیات نے بتادیا
دوسری جانب ترجمان کے الیکٹرک عمران رانا کا کہنا ہے کہ بارش سے متاثرہ تمام فیڈرز بحال کردیے گئے ہیں۔
انہوں نے کہا کہ کے الیکٹرک کی ٹیمیں اب انفرادی شکایات کو درست کررہی ہیں، شہری انتظامیہ کے تعاون سے نکاسی کے بعد بجلی بحال کی جارہی ہے۔