کراچی (22 اگست 2025): سندھ پولیس میں 2 ہزار اے ایس آئی انویسٹی گیشن بھرتی کرنے کا فیصلہ کر لیا گیا۔
چیف سیکریٹری سندھ آصف حیدر شاہ کی زیرِ صدارت اہم اجلاس ہوا جس میں آئی جی سندھ، ایڈیشنل چیف سیکریٹری داخلہ، سیکریٹری سروسز و دیگر افسران نے شرکت کی۔
اجلاس میں چیف سیکریٹری سندھ آصف حیدر شاہ نے کہا کہ پولیس فورس کیلیے 2 ہزار انویسٹی گیشن بھرتی کیے جائیں گے، پولیس میں تفتیش کا نظام بہتر ہوگا تو عوام کا اعتماد بڑھے گا۔
یہ بھی پڑھیں: سندھ میں تین سال میں ایک لاکھ کے قریب اساتذہ بھرتی
آصف حیدر شاہ نے کہا کہ سندھ حکومت کا اقدام پولیس کی تحقیقاتی صلاحیتوں کو بہتر بنانے کیلیے اہم ہے، بہتر تفتیشی نظام سے شہریوں کو فوری انصاف اور جرائم میں واضح کمی ممکن ہے۔
انہوں نے متعلقہ حکام کو ہدایت کی کہ اے ایس آئی انویسٹی گیشن کی بھرتی میں رکاوٹیں ختم کی جائیں، اے ایس آئی انویسٹی گیشن کی بھرتی سے معیاری تفتیش میں بہتری آئے گی جئس سے انصاف کی فراہمی اور جرائم پیشہ عناصر کی گرفت ممکن ہوگی۔